|
|
Myanmar Books
Publishers
|
|
|
|
More ...
|
Latest 10 Editor's Choices
Book Details
|
|
- Description: ၁၉၇၄ ခုနှစ် နိုဝင်ဘာ ၂၅ ရက်နေ့တွင် ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်ဟောင်း ဦးသန့်သည် ကင်ဆာရောဂါဖြင့် အမေရိကန် နယူးယောက်မြို့တွင် ကွယ်လွန်ခဲ့သည်။ သူမကွယ်ခင်က ဆန္ဒအတိုင်း သူ၏ ရုပ်အလောင်းကို မြန်မာနိုင်ငံတွင် မြှုပ်နှံရန်အတွက် ရန်ကုန်သို့ သယ်ဆောင်လာခဲ့ရာ သူမကွယ်လွန်ခင်က သူနှင့် ဆက်ဆံရေး မပြေလည်ခဲ့သည့် ဗိုလ်ချုပ်နေဝင်းသည် ဦးသန့်ဈာပနကို သာမန်ထက်အနည်းငယ်ပိုသည့် အခမ်းအနားဖြင့်သာ မထင်မရှား အဆုံးသတ်ရန် လုပ်ဆောင်ခဲ့သည်။ လေဆိပ်ရောက်လာသည့် ဦးသန့်၏ ရုပ်အလောင်းကို သွားကြိုမိသည့် ဒုပညာရေးဝန်ကြီးကိုလည်း ရာထူးမှ ချက်ချင်းအနားပေးခဲ့သည်။ “ကမ္ဘာမှာ မြန်မာဟေ့”ဟု ကြုံးဝါးနိုင်အောင် ဖော်ဆောင်ခဲ့သူ၊ ကုလသမဂ္ဂ အထွေထွေအတွင်းရေးမှူးချုပ်အဖြစ် စစ်အေးတိုက်ပွဲကာလအတွင်း နှစ်ကြိမ်တိုင် ရွေးချယ်ခံခြင်းဖြင့် မြန်မာ့ဂုဏ်ကို မြှင့်တင်ပေးခဲ့သူ ဦးသန့်ကို သာမန်လူတစ်ဦးကဲ့သို့ ကြံတောသုဿန်တွင် ဂူသွင်းမြှုပ်နှံရန် ဗိုလ်ချုပ်နေဝင်းက စီစဉ်ခဲ့ရာ ထိုအစီအစဉ်နှင့် ပတ်သက်၍ မခံမရပ်နိုင်ကြသော တက္ကသိုလ်ကျောင်းသားများသည် ဦးသန့်ရုပ်အလောင်းကို လုယူ၍ ရန်ကုန်တက္ကသိုလ်ဝင်းအတွင်းသို့ သယ်ဆောင်ကာ အများလူထု၏ ဆန္ဒအတိုင်း ကျောင်းသားသမဂ္ဂအဆောက်အဦးဟောင်းနေရာအနီးတွင် ဂူသွင်းခဲ့ကြသည်။ မကြာခင်ကာလတွင်ပင် ကျောင်းဝင်းအတွင်းရှိ ကျောင်းသားများကို စစ်တပ်က ဝိုင်းဝန်းပိတ်ဆို့၍ ပစ်ခတ် အကြမ်းဖက် ဖမ်းဆီးနှိပ်ကွပ်ခဲ့ကြရာ ကျောင်းသားထောင်နှင့် ချီ၍ အဖမ်းခံခဲ့ရသလို ကျောင်းသားများစွာလည်း ရက်စက်စွာ အသတ်ခံခဲ့ရသည်။ ယခုစာအုပ်သည် ထိုအရေးအခင်းတွင် ပါဝင်ခဲ့ကြသူများဖြစ်ကြသည့် ကိုလှမြင့် (ဟင်္သာတ) (ဆေး - ၂ ဥက္ကဋ္ဌ၊ ဗဟိုလုံခြုံရေးကောင်စီ၊ ဦးသန့်အရေး လှုပ်ရှားမှု၊ ကိုရာကျော် (၇၄ - ဦးသန့်)၊ ကိုရဲမြင့်သိန်း (၇၄ - ဦးသန့်)၊ ကိုသောင်းအေး (မအူပင်) (၇၄ - ဦးသန့်)၊ ကိုကိုလေး (သဘင်)၊ ကိုထွန်းအောင်ကျော် (၇၄ - ဦးသန့်)တို့က သူတို့၏ အတွေ့အကြုံများကို ဆောင်းပါးတစ်ပုဒ်စီဖြင့် မှတ်တမ်းတင်ထားကြခြင်း ဖြစ်သည်။
|
|
|
|
|
မှတ်ချက်: အထက်ပါ item ရရှိနိုင်မှုသည် စုဆောင်းပြီးချိန်မှသာ အတည်ပြုနိုင်မည် ဖြစ်ပါသည်။
Attention: Availability can be confirmed after item has been collected.
|
|
|
|
|